قالو عليك حنين وبرضو كمان في الريده قاســــــــي
حرام عليك القسوة ليه وانا من غيرك جد بقاســـــي
قلبي خالي عشانك انت وانت في الريد الاساســـــــي
ودايرك انت ترد عليا وبرضو ماتقول ليا ناســـــــــي
ودايرك انت تحن عليا وبرضو ماتكون ليا قاســــــــي
لاني غيرك ازيد عذاب حياتي غيرك جد ماســــــــــــي
ولو في يوم حاولت تبعد بكون فراقك قاسي قاســـــــي
لانك دايرك تبقي ليا ولي مشاعري تملي حاســـــــــــي
مابخونك مرة تانيه وماتخون في يوم حواســـــــــــــي
ليك كل الوئام وليك حتي التماســـــــــــــــــــــــــــــي
بتمني ليك تفرح دوام يا غالي ياحبي ومــــــــــــلاذي
انت في قلبي ساكن مفتوحه ليك كل المراســـــــــــي
واقل حاجه بقوله ليك بريدك في صباحاتي واماسي
بريدك جد ومشتاق ليك تقوله ليك في الريد حواسي
وقي سعادتك اكون سعيد وفي تعاستك ليك اواســــي
واموت في الدنيا بس لا تذوق عذاب لا يوم تقاسي
تاليف:عمر محسن ركاب
الأحد أكتوبر 08, 2017 10:30 am من طرف TigerAd
اليومية
موضوع: الريد الاصيل 
