maxcode
Admin
عدد المساهمات : 41
تاريخ التسجيل : 07/12/2011
 |  موضوع: مستحملاني ....  الإثنين يناير 09, 2012 8:23 am | |
| مستحملاني
مستحملاني كتير .. في الدنيا و أياما
و أنا لسه بتعذّر .. و ياما جنيت ياما
..............................................
مستحملاني كتير .. وما جاكي يوم تشكي
و بتسمعيني دوام .. لو ليكي جيت أحكي
عينيك أجمل نور .. في الدنيا طل علي
يا حسرتي و أسفاي .. عينيك يوم تبكي
...................................................
عايش عشان أهواك .. لكن ظروفي كده
دائما تعاكسني .. ويضيع حناني سُدا
كلما أقول أرضيك.. يوم أهدي ليك عيني
تشغلني أشواقك .. و أنا عيني ليكي فدا
............................................
عارفني في حقك.. رغم الهوى مقصّر
عارفني ما قادر..رغم النوى أعبّر
و عارفاني بيك ولهان..و جواي ريدك حي
و عارفة الحنين جواي .. كل لحظة متحكّر
...................................................
ما عارف أكتب ليك .. كلمات و أتأسف
و كل الحروف بتجيك .. زي الحرير تتلف
أرجوك يا نسمات.. تحكي الحنين البي
وتوصلي الأشواق.. و بوسي الجبين و الكف
محمود الجيلي | |
|
اليومية
