الدكتوره الدكتوره

أنا صبح جا
مابين هواك والصوره
شخبتً في كل الورق
ورسمت في السبوره
كملًت اقلام الحبر
وولعت للأبجوره
في كل حيطه والورق
وفي جرايد الكوره
تلقي الحروف جاريات عليك
تنده عليك يازوله
ياحلوه ياست البنات
يالسمحه يا......... الدكتوره

أنا معرفت البي
ظنيتا حاره البوره
ماسك كتابي علي
وعيني هناك في الصوره
ساهرت فيو كضاب
عاجباني فيكي النوره
أديني ياخي جواب
وريني كيف الشوره
يالحلوه ياست البنات
يالسمحه يا الدكتوره

انا ياخي داير القاك
وكلماتي ليكي اقولا
كل ما ارتب يوم
كلمات جميله فصولا
الجمله ما تكمل
وتطلع عليك مبتوره

يالحلوه ياست البنات
يالسمحه يا الدكتوره




ويا........ هنايا.......
ياهنايه عاليه خصال
بين البنات مزكوره
معروفه لين مضرب مثل
بالخير دوام مشهوره
حاشاكي من كبر البنات
متواضعه ما مغروره
دايرين لقاكي وبسمتك
وزلاتنا ديك مغفوره
يالحلوه ياست البنات
يالسمحه يا الدكتور