احتكر العواطف

بقلم
تفاؤل عوض
الخلا العيون في سهادن زايده
زولا من وسامتو احتكر
العواطف وتاني ما جات عايده.........
شال الفؤاد من نظره وبقيت
لي عيونو والجسم النظيف انا رايده.......
أكان شوفتوهو شك القميص الأسود
درع نظارتو جيبوهو النشوفو اخدو
الأجر والفايده......
الكاهلي المأصل والبسيط في كلامو.....
مكسر لي الضلوع سبب المرض والامو.....
الخلا القليب زايد دقتو و خفقانو .....
في وحدة عنايتو قلبي كايسو نظامو....
الحقن الوريد بي بسمتو وروقانو......
خلاني اتشفعت واستمتعت بي ادمانو......
انا كلي ليهو وبتنفس شهيقي عشانو. ...
هو الما بشوف في الدنيا ي ناس دونو.....
طالبة رب الكون من العيون يحفظو
وبي يس والبقرة وال عمران يصونو. ....
والشافك غيري وملا فيكا عيونو
ينصاب بالطشاش وتتورم عليهو جفونو. .....
واﻹتبسم ليك غيري دار يتقرب شاحده
المولى تتكسر عليهو سنونو......
أصلو الرادك انت رب العباد في عونو. .....
وانا من زمان كايسه أطيب من البقيت
مجنونو.
توووووووتا