كتر خير المطره

Admin عدد المساهمات : 41 تاريخ التسجيل : 07/12/2011

كتر خير المطره

كتر خير المطره.........
الدقت فيني حنين أجراسك
وهزت شوق جواي متخبي
وضغطت وجعي الكان متماسك
وإتزكرت خريفنا الروح
وكان الغيمه بتشهد شوقنا
وريدي الكان مستوطن كاسك
وخلت فيني سؤال بتردد

مين يا غاليه نزل مرساك
وسرق انفاسك
مين البعد قربك مني
وشال احساسك
وخلي دموع الحسره تدفق
وشال التاج الكان فوق راسك
ميــــــــــــــــــــــــن

مين خلاك تتناسي وعودك
ومين العوج الناعم عودك
وخلاك تمسحي فيني وجودك
وانا يا..غاليه زمان وريتك
استري بيها الطرحه خدودك
وكم نبهتك
اوعك برا البيت تبتسمي
وربنا عالم
جوه البيت انا خايفو حسودك
انتي البحر الشوفتو تعطش
وكل الناس تتمني ورودك

مين خلاك دون خاطر تقسي
مين خلاك بي دمعك تمسي
ودون احساس اتعدي حدودك

مالك فجأه ظلامك حل
وكنتي زمان طافياها نجومي
مال عينيك صبحت حزنانا
ودمعها ماخلاك تنزمي
وكيف ياغاليه اخفف همك
وانتي بهمك زايده همومي
كيف دايراني اسالم ريدك
وفي الاحساس بطلتي تحومي

وكتر خيرها المطره......

عمار الزين