قالت لي:- (اقيف حبه)

مدخل:-


قالت لي: (اقيف حبه)

وانا قت ليها:

( الحبه مابتنفع قولي كتييييييييييييييير)*
اقيف حبه وكان جات طيره شالتها مني انا شن بسو

النص:

ريدك غلب ملاني شو

من راسي ليييييييييييييييييي............................

ماتقولي كو

واديني ضو

من نور عنيك امشي واجيك

ماببرحك

بس بفرحك من العيون انا بنصحك

ماتغمدي شان الخلوق تقدر تشوف بي ضو عنيك

يابت عليك ربك عليك عينيك ديك ماتغمدي

انا مابدور الضلمه تب

داير عتب

شان اوصل العينين

واشبك ايدي في رمشك نصب

خيمة جفونك شان تركز ضو عنيك بس لي عيني

يابت علي

ربي العظيم انا في الجنان زايد علي

ريد حورها جديا في ودي

دندن جدي

إدلل علي

دلدل جدايلو في توب حرير

طبطب طبابيل الطرب

دندن دنت دنو الهرب

مالت ميول ميل في طرب

سالت سيول سقت السرب

ياربي رب

من الغضب نبرا ونطيب قسمه ونصيب

قالوا العجب

اقسم علي ذاك النصيب ياربي رب