بدايتو احساس عادي

بدايتو احساس وكان عادي
بسالمو بايد وبسالمنى
ما كنت عارفو حبيب
اخترتو صديق وصادقني
وبسال ديمة عن حالي
وبعرف احوالي في عيونى
وبسال ديمة عن حالو
وبلهفة شوق بوريني
وكل ما اعاين في عيونو
بحس انو بناديينى
بداء احساسي اتغير
وغير حالو لي حالي
بقيت زيو حابيهو
زي ما هو حابينى
ولكن اصلى ما بقدر
اقول حبيتو اعاندنى
زي ماهو شرح حبو
بشرح حبي بعيونى
وبفتح قلبي لى قلبو
عشان بحنانو يغمرني
خطاوي معاه بمشيها
ولحظة معاه تكفييني
لوجاءنا زمان وفرقنا
بسامحو انا كما نفسى
وعايزو كمان اسامحني
ونشيل حبنا العذري
اقدار ومكتوبة
فلا منو ولا مني