قمر السبعتين

قمر السبعتين نديان وناير جسمو




مابقدر اجيد اوصافو واذكر رسمو



فرع البان يتوح كان لي مكانك يسمو



ملكت قلبي بت المابجيب لي اسمو













فرع البان يقول يالسامقه عالي مكانك



هبي وميلي لي ميلان ورقصي زانك



انا مابقدر عليو وصفك وأجيد اوزانك



سوار دهبك عليك زايناه ماهو الزانك











محروق الحشا وعيوني مابيا النوم



والقلب انحرق نيرانو باقه سموم



اسمعوا ياملأ ليكم خصوص وعموم



الفارق دريبو علي نفسو يرمي اللوم













كيف ياوليد لي دربو تبقي تفارق



الغيم انعقد وبراق العيون لي بارق



ممشوق القوام دا اللي تلالو مفارق



ايه اعمل خلاص والبعاد لي حارق











قول لي يانديدي انا شن بسوي الليله



من العنقو منقوش بالدهيب والتيله



فات في الفوات وحياتي ياخي حليله



مادام القليب ماضاقلو خطوه عديله