أسعفووووووووونا بالقصيدة كاملة
هنالك بعض الأخطاء لأننى قمت بإنزالها من تسجيل من التلفزيون
التحية للشاعر أحمد البلال
مساء المحبة .. وكلام حبة حبة
ملامح الغناوي وأحاجي الملمة
بتاورك دحين لسة شوق الحواري
وعصاري الضفاف الحنينة وهلم
تقول من سماحتك
متين هسة غبت ونرسل قفاك
في الوصايا المهمة
تعال وإنت عارف بتوحشنا جداً
عتاب الحبايب عديم المزمة
تشحتف رويحة البيوتات خبارك
يناغمن عليك وإنت حردان وشيهن
مسلم زمامن سحاب المتمة
تعال غير وجود معانا ومعانا
شنو الإنت شايفو بيكون الأهم
دي قريافة منك
دحين أرمي همك
على أي شارع يوافق مزاجك
فليش يعني لازم قهوة المتمة ؟؟
فكل البيوت التسالمك حنينة
مراسم مياتم تقول ما محنة
التسو فوقو جسم الحنين في غيابك
تعبت وإنتخبت القبل أي عالم
نسيت إنت غبنك
ترنو البيوت البخبرن مصابك
عموماً حتعرف حضور الدواخل
عزا الغربة لامن نصادف زمانك
إذا حن مرة أو مرة بالصدفة جابك
نشوفك متل دار تجينا وظروفك
قدر دابا بشويش تحاول تسارق
.............................................
خطيوات غيابك
قفاك أمنيات الصبا وكل حاجة
وبإسمك بنات الحنين دقو بابك
كأنك ملاحقق غبن أمنياتك
دموعنا البتبكيك تعال يا المسافر
حروفنا بتغنيك إذا جيت حبابك
حبابك دي كيفن عليك الله ياخي
حلاته بتشابه نضارة شبابك
عموماً .. ومما تقدم عزيزي المسافر
أفيدك بإنو الوطن لسة قاعد
شوية عدم إنضباط في المواهي
تجيك بعد عامل رسوم العوايد
نحاول نرضى لهمومنا وهموم
صراع الهوية وسباق المقاعد
كل البفوت نناديهو عايد
دة ما بعني غايبة إبتسامة الحبايب
رفيقة المآسي وجمال الموايد
كل التصالح يعادل الشوارع
التلم بي حميمة كل البشر
رغم كل إختلاف القبل والمعابد
سرقني الكلام وإنت عارف قصادك
تتاورنى حمي الكلام القديمة
أريت لو عفاني الحنين وإنت غايب
نزوح الخطاوي ... المقيمة
تعال مرة تانية
... حانية
وزمن عندو قيمة
تدق بابنا طلة زمن شكلو تانى
يرتب ملامح القصيدة الوسيمة
بنفسك تخيل معاك إنت فيها
حواري المداين حكايات حميمة
مساء للمحبة .. وكلام حبة حبة
ملامح الغناوي وأحاجي الملمة
بتاورك دحين لسة شوق الحواري
وعصاري الضفاف الحنينة وهلم
تقول من سماحتك
متين هسة غبت ونرسل قفاك
في الوصايا المهمة
الأحد أكتوبر 08, 2017 10:30 am من طرف TigerAd
اليومية
موضوع: ** عزيزي المسافر ** 
