ناس في الفيس كلامها لا ليهو معنى ولا مضمون
مجرد قهقهة ولايكات وباقي الوقت غزل ومجون
لاحشمة لا اخلاق ، حثالةمجتمع ربي ليهم يصون
الفيس مجتمع حرية ما فوضى وسكسكة وجنون
اكتب وريني مين انت ؟ عسى الفايدة منك تكون
واديني من وقتك شوية وخليك عليّ حنون
افهمني برواقة، ما اصلو جواي بالكلام مشحون
خلي العلاقة البينا تزيد ثقافة ود ووعي وفنون
ويكون صدق المشاعر زينة وكلام بالعقل موزون
كفانا كلام ماليهو فايدة "نحنا كنا" تعالو نكون
ونطلع الدرجات نحصل الفاتونا بالسنين وقرون
ما نضيع وقت في شات ودردشة ولايكات وفتون
ماهو الانترنت ملان فيهو المواضيع ذات شجون
فيهو كل العلوم اسألو غوغل ان كنتم لا تعلمون
يلا ننهل منه مايفيدنا وغيره مالينا بيهو شؤون
بس حاسب ضميرك وارعى من قال وايّاي فاتقون
الأحد أكتوبر 08, 2017 10:30 am من طرف TigerAd
اليومية
موضوع: كلام في الفيس 
