لو عايز تعرف كم الشوق ؛

لو عايز تعرف كم الشوق ال ليك كنيتو ، أسأل نجوم الليل عن البيت ال بلهفة أنفاسي بنيت ...
أسأل القمر عن عذابي لأنو كان واقف عاجز محتار فيني وفي حبي للإنسان الهويتو ...
انا الاتحملته سنين راجية منو يمنعني عن حبو وما يفقدني كان جافيتو ...
لو عايز تعرف كم الشوق ال ليك كنيتو ، أسأل الكون البوجودك بنسى وجودوا والخلق ال معاك اتناسيتو ...
أسأل عني في محاكم العدل وعن القاضي الشكيت ليهو وشاهد على قضيتي ناديتو ...
أسأل عني يا حبيبي في شوارع حلتك ، أسأل جيرانك ال قلته ليهم ما تستغربوا فيني كل ما يضيق بي الشوق بجري ارجاهو جمب بيتو ...
أسأل الروح ال ما همتني بوجودك ليهو وهبتك فديتو ...
أسأل الفقراء ال وهبتهم كل ما أملك وقلته ليهم بعد الرحمن بيكم حميتو ...
أسأل سجادة صلاتي وبعدين أسأل سبحتي كيفن ركعته باكيه والله عشان يحميك اترجيتو ...
كيفن سهرته أقيم في الليل ليالي وربي عشان يحفظك دعيتو ...
كيفن خانتني حروفي لمن سألوني عنك وكل العرفته اقولو وهبتو الروح بعد لاقيتو ...
انا الأتعذبته في بعدك وقدر ما سايرته الشوق حلف يمين يضل يخضع لعيونك كان مهما تعبته ولاويتو . ..
لو عايز تعرف كم الشوق ال ليك كنيتو ، أبعد عني وجافيني واقطع الوصل ال بحبال شجوني بنيتو ...
اسرق لحظات هواي واقلع العشق الهويتو ...
أحرق جواي المشاعر وحاول تنهي احساسي ورجع قلبي ال ليك هديتو ...
ساعتها بس حتعرف جنوني ...
وحتشوف نار الهوى شاعله بين جفوني ...
وما حأوعى لو اجتمعوا حكماء الطب يشوفوني ...
بيركبني جان الحرمان وما حأشفى لو مهما قريتو لي ورقيتوني ...
كفاك يا حبيب ألم وكفاك تستهون بالحياة بدوني ...
ﻻني متأكده على قدر الشوق ال ليك جواي ، بتعشق نظراتي وسحر عيووني ...
N.Z