مصير الضيف

كنت فاكر الريد معاك
انشوده في الزمن الجميل
بنيت عليك احلام صباي
ما كنت فاكرك يوم تميل
كيفني اسكن دنيتك
وانا في هواك عابر سبيل
كانت ضيافه مؤقته
واصلا مصير الضيف رحيل
لملمت احزاني ومشيت
سافرت في دربآ طويل كاسيهو هم الارتحال
لا واحه لا اشجار نخيل
تحميني من لسعات شموس
لا راحه لا لحظات مقيل
واصلت في دربي وبراي
لا ريد وراك يسكن بديل
شن فايدة الشقا والعذاب
لما البحب ح يعيش ذليل
والدنيا ياما تألمو
تسقيهو هم يصبح عليل
في الريده اوفيتك كتير
قلبي المتيم بيك دليل
وزرعت حبك في دماي
والدمعه في غيابك تسيل
والنوم دوام يصعب علي
يغشاني طيفك كل ليل
والليله انت غدرت بي
وحليلو حبك يااااااا حليل
حليلو حبك يااااااااا حليل
‏...
اجيد كتابة الشعر واخترت من منتديات ريحة البن ملاذآ لأجد فيه من يساعدني
‏..
بشرى العبيد آدم .. الخرطوم بري

عجيب والله يا استاذه بشرى ! الله يوفقك أن شاء الله

جميل جدا