يا أبومروءة هوى

[rtl]زاهر بخيت الفكي[/rtl]
[rtl]كاتب صحفى ــ قاص[/rtl]
[rtl] [/rtl]
[rtl]يا أبو مروءة..هوى
خير يالحاجة مالك ضاربة للروراى [/rtl]
[rtl]تعال يا وليدى شوف البى
قرب جاى
دحين ماك الناجى ود التاى
بلحيل حبوبة يا نى الناجى ود التاى
أمك في الحساب بتى
حبوبتك أمنة بت خالى طه ود أب راى
مطيرة أمس العصير الجات ..[/rtl]
[rtl]تانى بالليل جات
حمتنى الغمدة يا وليدى
جاتنى الموية جوه البيت...لقتنى براى
وود بتى السرة الوليد سافر ..ليه دورين
وليداً عديييل ما فات حبوبتو تب
لى بلد الدهب مع ود حاج الحسن روَح
ودعتو لى الله ود بطنى ..[/rtl]
[rtl]ما يا هو جناى
وليداتك كتار حبوبة دايرة شنو
ياوليدى تسلم ياها المحرية فيك ..[/rtl]
[rtl]خش لى جوه شوف البيت
المرق مكسور..والشباك وقع فوق عنقريب جدك العشاى
وامرق هديمات ود بتى لى برة..وكرتونة صغيرة فيها عدة شاى
والزير والبنبر المكسور والهباب والكوكاب والويكاب
وحبل السعف خاتاهو للكراب
وصفيحة بى طبلة فيها صينية ومصفى البن والقلاى
وعلبة صغيرة صفراء فيها حبوب
وعاين كان تلقى خويتم الفضة راح منى
سمح يمة بمرق ليك حويجاتك
وبربط ليك سخيلاتك
وبحلب ليك غنيماتك
بس دايرك أسى تمشى معاى
لى ناس أمى ...براك ماتقعدى يا حاجة
لغاية ما ود بنيتك إجى تعالى معاه لى بيتك
يغتيك الله يا وليدى..ويديك بت الحلال معاها المال
قادر ربى هو العطاى
بدى الناس كل الناس مو نساى
ويرجع ودبتى شايل الخير
وبالدهب الكتيير الجايبو أشوفوا عريس و يحججنى
ويبنى خلوة جدووالديوان
ويصبح قبلة للمحتاج والعشمان والصرمان
واريدوا عشاى[/rtl]