قلب مليان وجيـب فــاضي

تعالوا نعيش سوا ونحلم ومعــروف الحلــم بلوش
ننعــش ونغني لي روحنا مادام اصلو مافي قروش
زمـــــــان ضيعنــــا في الآهه وفرشناها النـدامه بروش
قعدنا برانا نتحسر لما العيش صبح قرقوش
أرمو ا علي الكريم الهم تحسـوا الدكـوه ماكنــتوش
أمرقوا عــلي الخلـق بـره وعطروا حوشكـم المرشوش
حلوا حياتكم الجايه واهدموا للمآسي عروش
ولاقوا الناس وجاملوا الناس أكان تاكلوها كسره وبـوش
عاد هي الدنيا شن فيها هســه ملانه بـكره فشـوش

تعـالوا نعيـــش سـوا ونقعد نشوف دنيتنـــا واحوالـها
نفتــح لـي كتاب الله ونعـيش قصـص الرسول قالها
نفتـش للجميل الـراح نسيــب الشينه وأفعـــالها
أكــان زغردنا للأحـزان بتجينا الآهـه بي عيالها
تـعالوا نعيـش سوا ونحلم نجيـب الفرحه بــي حالها
وقـدر مــانعـيـش ونتهني أمور الآخـره نفضالها
وحال الدنيا عاد باين تقـول أيــوه وتقـول لا لا
وقلب مليان وجيـب فــاضي أخير مـن قلبة الحاله
وأكان بقت النفوس رايقه التطير الدنيا بي مالها

اقتباس :: ابي الامين يوسف

وكأني بس راجيك تحن
وتقول خلاص فكرت فيك
وكأني خلاص نسيت
اللحظه ديك
لالا يا اسفي القبيل وحياة عنيك
انا جد فقدت احساسي بيك
ونسيت كمان ريدي الزمان
الكنت دايما شايلوا ليك
***وترجع تقول انا لسه فاكر ايامك
ما تمشي في مافي
وريدك يفوت قدامك
انساه باقي الريد
ما دايرو حتي سلامك
زي ما نسيت الذل
وجرحك الّي في كلامك
وياما شربت المر
وياما لقيت في غرامك
انت فاكر انك لسه في جواي
نسيت زمان ريدك
براي قتلتوا هواي
تمشي تلف وتدور
ترجع تكوس لي رضاي
يا زول ارضي بي واقعك
والله بتتعب ساي
وبطّل خلاص تحلم
ترجع تكون وياي

كلام راقى