اول مشاركاتي في المنتدى..(قالو سميحة؟!)

قالو سميحة ..قلت اقيف نوري صفاتا
خدورية كل الشافة مات ما فاتا
قولة سمحة من في خطوها بتتاتا
عاد كبرت دحين قولة السماح ما جاتا ؟!

اولو مدة ..والشدات هناك فوق راسو
فاكيلو الهسال جرى لى مدامك شاسو
ي خلي..الشعر ليل و القلوب حباسو
حير لونو علام النجوم في ناسو

واجي وشيشو وجت شمسنا الهبارة
وفرت باسمو زي الدقو للنقارة
عاشقاهو الخلوق تبرك تقوم ف مزارا
عادي حليفتو عتيق الرقاب كفارا

و كان شفت الرموش ديك و العيون مدسوسة
شفت العسكر اللابت هناك في تروسا
جرت مشطو للرشاش ..رصاصو ..و دوسا
في حدر العيون البي الجهة المعكوسة

وتقنت شفو زي حافة جناح النورس
و زاوية فاطرو ..عند اهل العلوم تتدورس
فوق فاطر الحبس بنوتنا خانة الكورس
اللولي اتنشر و الناس تجي و تتجورس

حاني نخيرو و الخد بي خدارو مورق
وداهبو ودينو ، حلقو بالاساسو مطرق
وين شفت المجننا الغطاهو مخرق
دخانو الهشاب و انا بي دخانو محرق

و قمقم قلة جيدو البي قفاهو موصل
ماسك نورو فوقو و بي تحاتو مفصل
ما شفت المفاتن و الحناهو منصل
حورية البحر ...كيف بالعيون تتحصل!؟

و عالي سديرو وصل للملاك اطرافو
و نقش الحنا فوق زندو و بطن اكفافو
العارفاهو كل حضرو و عموم اريافو
حنتو و الضراع متل الحجيج يوم طافو

و فارع طولو زي الخيزران في لينو
و عندو سبايط الزول ..ف الشمال و يمينو
وزنة عودو تهبر في المكمل دينو
فوق سقف الصفات ...جل المليس طينو

ساند سدرو فتلات الوسيط الناحل
سنيد الوجيع ساعة فراق الكاهل
ي خلي...ام جليدا زي جليد الجاهل
م خلت صفات..عفة وجمال ما ساهل

و سابل توبو ..برضك ما تدور تتغطا
اكعاب القزاز الفي الطريق تتوطا
في قدلو الجميل سف التراب و الشطا
شان كل الخلوق ب وراهو ارنب نطا

» قالو عن الحب :::
» قالو السلام بقى رفعة ايد ( محاولة رد للقامة محمد الامين محمد الحسن)
» شكر للقائمين على أمر المنتدى
» كاول مشاركه لي في المنتدى