قادر اطــــــــــــردك

قادر اطردك واقفل باب الريد من بعدك

وقادر انسى هموم الدنيا وحبك..وعدك

وقادر اسعد دونك اكتر ودوني محال لو يفضل سعدك

انا طورتك انزيم ريدة وانت مسختك

انا جملتك في صفحات القلب الصادق وانت.. مسحتك

وانا انصفتك دون ما افهم وانت.. ظلمتك

وهسي فهمتك..زمنك فاااضي ومليان فل بزيف الماضي

واكبر منك صدق احساسي

واكبر منك اني اكون يوم عنك راضي

يا متحجر وقاسي وسادي

دايرك تعرف انو فراقك اصبح عاااادي

واتمنيت لو كتر عرفت اني بكون مرتاح في بعادي

قادر ادوسك

وامسح باقي طرور الريدة بطايوق الشوق الفاتر

وامشي اعوسك

وقادر صدقي الواحد يغلب غش متكون منو جيوشك

*ايمان متوكل*