اقــــــــلام

موضوع: اقــــــــلام الخميس أغسطس 30, 2012 4:32 pm

قلم الرصاص .. ألم الرصاص

قلم الناشف..جرحك ناشف

.قلم السائل..دمك سائل..

أقلام آلام

احلام تعبانة تنقط عرق

و حروف بتطوف في سر الورق

قلم الرصاص

أقدم صاحب..اسنانو تكسر سنة أولى

.تظليل و كتابة على الكراس.

قلم الرصاص

.أغرب ضدين..في دنيا كبيرة و مسؤولة.

.تضليل و سحابة على الإحساس

قلم الرصاص

.محتاج إتنين.

.براية تزيد حد السنة..و إستيكة عشان نمحى المحنة.

.مسكينة حروفك يا دنيا.

. يا دنيا مساكينك نحنا

قلم الناشف

قلم الناشف..ألوان تصحيح

في جيب أستاذ و الحصة دبل و الريق ناشف

قلم الناشف..

عارف اسرار..

و اخبار في أدراج أي مدير.

.كاشف و شاهد أساسي.

.لي اي مخالفة او تزوير

قلم السائل

مجنون بشهادات التقدير..

ألوانو تفرق بين الطالب

و بين تصديق من أي وزير

أقلام آلام أحلام و كلام

أقلام تستخدم للإعلان

ما قلم الشيني

أقلام ريدك

أقلام بتشخبت جوه عيوني

أقلام أشكال و أنواع و أفلام

أقلام أحكام و قعود و قيام

لو كان عاجبك سجل إسمك

كسر قلمك لو ما عاجب

قلمك ألمك صوتك غائب

قلمك ندمك و شعرك شائب

لكن أقلام الكون بتغير

في لحظة شوق خانا التعبير

و إتكلم بس قلم الحاجب