ياغائب وسامعين نبضاتك
اشتقنا كتير ليك وحياتك
طولنا وكاتمين انفاسنا
ما كنا بنستنشق ضحاتك
****
ما عارف انك لما تغيب
جوانا مضوية شمعاتك
ما كنا بنتحمل غيبتك
وما بنحمل في يوم دمعاتك
والشــــــوق حراق
والشوق جوانا بصابق الريح
شان يكشف عودتك يستناك
مع انو قليبنا هو لسه جريح
اتناسي نزيفو وبترجاك
وان شو اللبيصير لو اصبح عندي حبيب مجون
وتري مين غيرك يشفيني
ويقول لي ويزيدني وله وجنون
ويش عامل فيني وكيف انساك
وغيابك زاد اشجوني شجون
وبكتب حرفين
واسرح ساعة
وارجع للدفتر اتماسك واتلعسم مليارين مرة
شان اوصف جواي احساسك
ما بطلع شئ
ما الفيني هو اكبر من مقطع
ولسه ياداب ابتسامتك
وماسك راسي
ما لسه مصدوم من ماسك
ماسك كهرب شوقي وزادو
ولسه قليبي علي ميعادو
ومين دا اللعادو الريد
الودع وساب اسيادو
ومين الجابك
هما اللسابونا في وحدتنا
ولا مرة ازاي الحال سألو
نسيونا في اوقات محنتنا
ولكل اللبيناتنا اعتذلو
وتملي في بالنا وذاكرتنا
ودموعنا لواحدها انستنا
عجـــــــبك
عجبك شنو ؟؟؟؟؟؟؟؟
اذا الحروف الطالعة ليك اشتكت
وقصدك شنو؟؟؟؟؟؟؟
ياربي اكون فاهمك غلط
ومن غير غلط كل السذاجة بجسدا
حاسداني في الريدة العيون
وبقيت انا القاعد احسدا
ما حال دا الاصبحت فيهو
ما لاقي انفاس اجبدا
وفي لحظة دون اعرف بقيت
معاق اعمي واصم ولقوني زي مشلول كدا
ودا كلو ليه
ما الراجل العديل ما بخلي حرمة تغشو
ما برضي الهوان والساس في دربو بقشو
ما بقتلو الهوي واجمل غزال في وشو
والرشاهو مويه الدم يمين برشو
دا كلو وهم
مشتاق للعيون
ودا سؤال مطروح ايه يعني الريد؟؟؟
جوابو الامثل عندي سكوت
وبقيت لا رايد ولا مريود
مش احسن ليك
صابح وبايت دايما مبسوط
وابسط ايدك
شان لمن تنسي وتتذكر
تجلد نفسك مية سوط
احسن ما تحاول تتذكر واخرطت ذاكرتك وامحي الصوت
يا غائب وسامعين نبضاتك
اشتقنا كتير ليك وحياتك
ونعتذر اذا كان هناك اي خطأ في القصيدة
الأحد أكتوبر 08, 2017 10:30 am من طرف TigerAd
اليومية
موضوع: يا غائب كاملة 
