عفوا علي الزمن المضي

عفوا علي الزمن المضي..

يامرحبابك اغلي زول

...تسعدني طلتو لو رضا...

.. وتبقه الملمات ذي زمان

... زفت غناويك في الفضا..

*******

لو القلوب عرفت تدوب

... في الريده ما بهم الغياب...

يملاها شوق احساس وزوق

ومروه تتحدي العذاب

والالغني ليك إلفه سماح

ما اظنو بتغناك عتاب

حالمات سنيني الجايه بي

رغم الحواجز والمدي..

وعفوا علي الزمن المضي..

******

احتجت لما ندهت ليك

ما بيعني انعدم الصبر

ماقصدي ارمي عليك ملام

او حت مالقيت ليك عزر

صدقني بس جواي شوق

خايف يقصر بي العمر

وتلقاني بنده لا وصل

ليك صوتي لا رجع الصدي

*********

وعفوا علي الزمن المضي

يامرحبابك اغلي زول

تسعدني طلتو لو رضي

وتبقه الملمات زي زمان\

زفت غناويك في الفضا

» ***كلمات خارج حدود الزمن ***