الناس في العيد

موضوع: الناس في العيد السبت أغسطس 25, 2012 2:31 pm

الناس في العيد
راجين طلاتك
شان ترسم فينا حضور وتعيد
ايام بالفرحة رسمناها
وليالي كتير اشتقناها
ولحظات نتنسم فيها الريد
ونقالد احبابنا باحساسنا
ونحِت الحزن السكًت انفاسنا
ما الإيد متشابكة شديد في الايد

والناس في العيد
مفطومة علي الحب بالفِطرة
احساس متسرسب جواها
ومفتوح نفاجو علي القمرة
ولو نام الشوق بس في غفلة
بيتاور فيهو حنين ممكون
يَصَحي ويطرا
سُمار النيل وغناوي الليل
وغنا المطرة
ومنديل في الجيب
من أغلي حبيب
مكتوب فيهو الذكري العطرة

الناس في العيد
داخلين مارقين , , , زايرين
بتشابو علي الرحمة
وبيساسقو ورا الخيرات . . . هايمين
دافرين نياتم قدامهم
ومكشحة فينا شمال ويمين
ودعاوي مستفة علشانك
تلقاك في غربة غناها حزين
شان ترجع للهوا والنجمة
وشان ترجع للحب والنسمة
وشان يبقي العيد . . . عيدين

» كي تكون تاج على رؤؤس الناس ...
» الناس البي غادي
» كنوز عظيمة لا يعرفها الكثير من الناس