تعلو ننم ونشاشي

جيتكم يالصحاب شايل غنايا ونمي
مغمور بالفرح مبسوط ورايق دمي
راجيهو اللبيب اديو غناي بالكمي
الصادق الصدوق اليوت مفرجو همي

راجيهم تلوب في الحاره ما بضارو
وراجيهم فوارس في النزال بتبارو
اسياد شكره معروفين كبار وصغارو
في يوم الدواس حازو النصر واقدارو

مرحب يا الاصم فارس القصيد والنمه
جيتك يا اخوي كان بيك غناي ينتمه
جيب النم تعال ما تطرا لي الجمه
يارب العباد العباد في الجنه بيك نتلمه

مرحب بالأصم في النمه ماجاروهو
دا الدود النتر مافازو من باروهو
الطيب كيف عتق في القربو وباروهو
خوفا من عيون العالمين ضاروهو

مرحبتين حبابك يا الاسد ان تب
يامطر البتبرق فينا شوقك صب
جيتك يا اخوي شان لي تفك الكربه
شايل ليك حروف شوال ملان ومعبا

انزل في رحابي تب مابتجيك الحبه

يامهند اخوي سيد السدار والحربه

اجادعك بي غناي شان الحروف تتربي

وماتزعل تفوت ان كان اخوك يوم غبه

اسف للغياب الا الظروف عاصراني
وقرايه السواد في كل شي مبارياني
امتحن المواد واقول اشوف خلاني
تلفاني الملاحق اقوم اعيدن تاني

ليه طال الغياب والشوق منوسر فيني
راجيك يا الاصم سم العضال اب نيني
عل ماجد شي قول لي ياخ واشجيني
من عطش النميم كان بالحروف ترويني

رحبو بي اختكم زولة هاوية جديدة

بتحب االشعر بتوه في أي قصيدة

عدنا وما بنغيب من تاني يوم بالمره

ياناس انا جد هواكم في جواي انشره

لامين ياصحاب تامين في بلدي وبره

تعالو علي السدار ماتلقو فيهو مضره

حبابك يارفيف شرفتي دارك ورحبك

حبابك في الربع كل الجموع تفرحبك

يازينة البنات شرفتي اهلك وصحبك

قولي سمح كلام خلينا فيو نسرحبك

ياخوي المهند شوقي طـــــــلع عيني

نساني المنام هيـــــج عليا حنيني

قول سمح الكـــلام قلل عليا انيني

ياك اسد السدار جــادعني في تلحيني

ياود الرجال جاياك تقيم نظمي

وتديني انتقاد شان ينصلحبيو وزني

أفلح في الشعر واترك همومي وحزني

وابقي انا في الشعر زيك حسام متوزني

ادخلي علي البيوت وادينا من كلماتك

جودي للقوافي وبارزي في ساحاتك

وحاتك في الشعر مابلحقوكي وحاتك

شيليهو القلم واشتغلي بي راحاتك

لا فض فوكم يا شباب

تسلم يالتليب

وين اهل السدار اهل الرباب والسوط

وين الفي المجالس وزنو الكلام مابجوط

ارباب الشعر الناس تهابم موت

لا لاكو الكلام لا تابعو القرنوت

الفيس بوك بقي كل زول ده قاعد فيهو

كمان فيهو الولد لعب البنات حابيهو

يخدعا بي الصور وبعض الكلام الليهو

يومين بالكتير تلقاها ميتة عليهو

الفيس يارفيف فيهو الصلاح والطالح

فيهو الفي العلم يسر بحور المالح

وفيو ثوار كنصلو لي معمر بل مبارك وصالح

وفيهو اسود وفيهو رعود ونسرا جارح

الليلة اللرجال الحشرة قطعوا لسانا

ودكوها الحصون بي كلاشا والجبخانا

الخبر القبيل خلي اللصوص فرحانا

ضوقناهم الحنضل حشر باقانا