مابنساكي يا ناسيه

لمحتك وقلت مابنساك
اشيل افراحي واتقدل
واكابد الشوق عشان رؤياك
ومابنساك
اسير في المجد يوت لي علاك
وافاخر بي وجودي معاك
ولمن المح النظرات
بتخطف نور عيوني اراكِ
زي برقا مرق من فاطرك العناب
وفي لحظه سرحت وعشت فوق في رباك
ومابنساك
اسألي ليلي عن مجنونا ياليلي
وكيف قاست معاه هناك
في التاريخ بتلقي جواب
يزيل صدك من المجنون
وانا المجنون دوام بي هواك
وما بنساك
مابنساك ومابلومك
جمالك فات جمال ليلي
ومحاسنك زايده لي اسراك
ومجنونك معذب بي جمال رسمك
واصبح ما قدر ينساك
وما بنساك
مابنساك واشوفك في الجمال آيه
واحلق عالي فوق في رباك
عشان احسب نجوم الريد
مصابيح عاليه في محياك
تولع ناري بي لهبه
وتطفيها دموع الريد
وصلو الريد بقالي شراك
ومابنساك