حلم العوده الي الوطن

متغرب عايش وحي
دشايل هموم الدنيا كوم
كيمان علي زايدات بلاي
وانا بس براي
الشوق يسدد جوفي دم
يايمه كان شفتي العلي
كان جيتي لي
وضميني في حضنك دفا
وانا بس كفا
منك علي رضاك داك
ومن الجفا
يبري القلب
يايمه شوقي بشابي ليك
يزرزر وليدك كل يوم
ليه ياغريب فارقتهم
ليه ياغريب
لو كنت بس قاعد هناك
ما كان حنانم طمنك
وماكان زمانم امنك
والدنيا كلها خمسه يوم
مافي زول عارف القدر
وانا عارف زمانك تب صعب
لكن دا ماهو السبب
البيهو تهجر للديار
سبت السغار بيشابو
ليكياخالو اقعد جمبنا
ياخالو دمك دمنا
ياخالو حضنك دفنا
ننعم معاك حلو الزمن
وانا اه بقولهاوبي ندم
ياشوق كفاك خليني نوم
ياشوق كفاك غسل الهدوم
هداني من حيلي وهزم
ياشوق كفاك وكفاني هم
ياشوق كفاك انا كلي دم
واحساسي زايد للالم
بس كنت داير افرحم
وافرح معاهم وانبسط
يايابا ما داير انبسط
يايابا بس ايه الحلل
هو الخلل
سبب الهجر
هجر الديار
كايسين عمار
والعمر سارقاهو السنين
والشوق يقول:-
عمر قليبك وخلها
دي الدنيا كلها كمها
وارجع وراجع للقرار
وارجع وشوف كيف الديار
بي شوق تضمك وماخسار
كان عدتها
ياشوق اقيف وقولي كيف
ياشوق قرارك جد صعب
ياشوق هناك كيف العمل
اعمل شنو?
والشوق يقول:-
خلي الامل
يملاك امل
ياشوق امل كتبت زمان
انو الزمان داير كيان
ياشوق بدر كيف كان قرا
كمين سنين ومادرا انو السنين داسالو دا
كمين سنين في المدرسه
وكمين سنين في الهندسه
وهندس قرارو وقام مشا
ياشوق كفاك ماتهبشا
احاسيس البدر كيف تدرسه
ماتحن عليو وخفف عليو دي الدبرسه
مالراح املوفضلت معاهو الهندسه