*** تعـــــال ارجع ***

تعال ارجع


بحاول انستر جواي

إذا كان العلي مفضوح

اعيش في بؤرة الاحساس

واضوي علي هواك الروح

وينبعث الحنين جواك

ترد دمع المدى المجروح

بحاول وعشمي فيك ميتان

قدر ما اشدو تاني يموت

وقدر ما انادي ليك تعال

الاقيك تاني مني تفوت

نحته ملامحي في جواك

اتاريه الزمان مسخوت

عرف يمحيني دون ما اريد

ويخلف فيك ريد مكبوت

وبحاول ابقى ليك وطن

إذا ساقن خطاك غربه

وإذا همك نبح جواك

بجيك وافرج الكربه

وعلى زمة وطن مافيش

ببيعك ارضي بالمجان

وبشريك مرفى للتحنان

بوريك الصدق ككيف

وكت ما تكون حبيب إيمان

حبيبي العمرة ما بختاني بالهينه

حبيبي بشق ضلام الليل

بعد قالو النجوم بينه

حبيبي بنشف الكلمات

اكان بقت الحروف لينه

حبيبي اخيرلي اسكت ساي

ووصفو ابالي بالعينه

حبيبي الغربه مكتوبه

وكت كفرن عيوني هواك

ابن من بعدك التوبه

لقيته حواسي تنده ليك

في امر اشواقه مغلوبه

وكان بعدن خطاها عليك

ولا بتخرب خراب سوبا

وتعال ارجع

بخاف جواي يموت الشوق

بخاف احرق بنار الريد

ويعيش جواي غرام محروق

بخاف عينيك اشابيله وتشابي لفوق

بخاف يتشابهن جواك

بنات الغربه والمعشوق

فيا المعشوق

عليك ريد السنين ما تفوق

تنقط نقطه نقطه علي

وجواك الغرام مدفوق

آيا المعشوق

جبنتك فيني مدفوقه

طقوسنا وكت نغازل القيف

ملامح كيفنا مشروقه

ولا انشرق العشم جواي

رقبه البينا مفهوقه

تعال كفكف دموع الخوف

ولسه في حلقي مخنوقه

وتعال ارجع







ايمان متوكل