انا كضابه


انا كضابه

تحت الواطه مدسدسه وجعي

وللأفراح الفوق بتشابه

بضحك وجوه حشاي ملهلب

وفارضه علي الدنيا عذابه

ماشه في سكه زمان خلصانه

وعايشه الريده اسود في غابه

وكل كاتجور الزله عليا بتملا

عينيا جموح ومهابه

وكل ماتدور تلفاني الوجعه

برضو بقولها تاني حبابه

وكل زول مارق من بيت قلبي

تسد بي وراهو الريده ابوابه

وقاسيه الريده وقاسي قليبها

فقدت بالقسوات اصحابه

هم يستاهلو اكتر لكن

حال الريده تسيب احبابه

وقد مايطعنو ضلها برضك

فيلها بيصبر حد يتغابه

وانا كضابه

وصادقه الدنيا اللعبت بي انا

طرة كتابه

طرة كتابه

طرة كتابه

وانا كضااااااااااااااااااااابه




ايمان متوكل