يلاكي طالعيني الغرام

يلاكي طالعيني الغرام

نفسك بحاول يمرقك شان يستغل رئتك ويحميك الزفير
ومرقت حفيان مابتهاب الناس ولا الشمس الهجير
وغشيتني سلمتك عيوني على عجل
وبلا خجل
قت ليك اجل
وانا هسه غير
لامن بقيت جوايا والريد إنشهق
ما اتضارى وش الريدة من هادا البهق
ولامن فتر صوت النوازع الفي جواي
كان ليا راي
قت ليكا اقعد كان تبرد مغسة الشوق في حشاي
انا ادعيتك فكرة للحس المنمق في غناي
وسكت من دون اكتبك
وكتين نهرتني قت هس
ورجعت انضم فيني
هز حنيني
إحساس إني فيك مابنتهي
ياخ إتلهي
انا اصغر إحساس لعشق جواي ليو
كان نططت مااظن يكون جواها في
وكان قايلة روحه هي عاشقة هي
التطلع تطالعني الغرام
انا بنسفه
بي نظرتي الليو بعرفه
انا بوصفه
وكتين يموت وصف الحروف لامن يكون وحدو الصفه
ولامن امش رغم الظروف في سكة شينة ومجحفه
وكان عاشقة هي
التطلع تطالعني الغرام
انا ياسلااااااام
بعكس قليبي يضوي ليها في قلبها
وكان دربي جاها في دربها
التحردو
انا دربي مابقطعو درب
التنكرب
انا دابي بفرز سمي جواها وبسمم وبنسرب انا بجزر الآف الرقاب أكان بقينا على الحرب
بس هي التطالعني الغرام
انا بنتفو
وبشرط وريدي وبنزفو
وبفيض دماي
بتشوف هواي
لكن محال تقدر تدنقر تغرفو
وانا مابنزل مستواي
لكن وحاتك طالعة ليك
خليني فيك
وانا بوعدك
بمشي وبجيك
وبوصيك قبال ما افوت
ماتخلي دنيا تمرمطك حمرلها
ولو منيتك في قيف بعيد ابحرلها
ولو نجمة زاغت من سماك بأصغر اصبع
آ الحبيب شاورلها
بتجيك مغبرة بي غبار الذكرة كان إتكرفست جواك اوعه تفرها
وقفل مداخل الذكرة بوراها واقيف
المطرة مابتعني الخريف
ولو جرحي غرغر في حشاي صدقني بشفيهو النزيف
انا خايفة ماتفهم كلامي وكت تفوت
وقلبك مع الأيام يعشش في جواهو العنكبوت
انا ياخ بموت
كان فت شان داير تفوت
ها الوجعة كان نطقت كتير بوراكا ما اظن ليها صوت