شبكة منتديات ريحة البن
يا ضل مفروش
جوات الحوش
مقشوش ونضيف
من قول الزيف
مرشوش بى مويه ريد وحنان
والبن في النار
وتهب ريحتك
وانا راسي يدوش
متقريف ليك
والمطره بدت في ذاك الحوش
المامعروش

شبكة منتديات ريحة البن

منتديات ريحة البن هي البذرة الأولى للجيل الجديد والثمرة الناضجة لتطور المنتديات من خلال الطريقة التي يعرض ويناقش فيها الشعر بكل انواعه ويقدم بها كيفما يحب الجمهور من القراء والنقاد، متضمنا التشويق والإثارة والموضوعية واللطافة في طريقة العرض والمناقشه.
 
الرئيسيةس .و .جبحـثالمجموعاتالتسجيلدخول
بحـث
 
 

نتائج البحث
 
Rechercher بحث متقدم
سحابة الكلمات الدلالية
نقاط أحمد الزير
المواضيع الأخيرة
» صيانة زانوسي بالقاهرة | ملابس ناصعه البياض مع اشعة الشمس
الأحد أكتوبر 08, 2017 10:30 am من طرف TigerAd

» خدمة صيانة زانوسي
الأحد سبتمبر 10, 2017 11:35 am من طرف TigerAd

» إشارات العارفين
الإثنين أغسطس 28, 2017 1:02 pm من طرف أسكن عيونى

» حل مسائل المعادلات والمتباينات من كتاب سلاح التلميذ
الخميس مارس 09, 2017 2:27 am من طرف أسكن عيونى

» اوعى تسافر
الثلاثاء ديسمبر 20, 2016 4:27 pm من طرف الشاعر محمد سيجو

» منو اليصدق
الأحد نوفمبر 27, 2016 9:21 am من طرف الشاعر محمد سيجو

» حالك سجم يا سودان
الأحد نوفمبر 20, 2016 1:48 pm من طرف الشاعر محمد سيجو

» الخوة الصادقه
الأحد نوفمبر 20, 2016 1:09 pm من طرف الشاعر محمد سيجو

» صيانة ايديال زانوسي بالبحيرة 01211113081
الأحد نوفمبر 20, 2016 11:52 am من طرف ايمان زانوسي

أكتوبر 2017
الأحدالإثنينالثلاثاءالأربعاءالخميسالجمعةالسبت
1234567
891011121314
15161718192021
22232425262728
293031    
اليوميةاليومية
التبادل الاعلاني

انشاء منتدى مجاني




شاطر | 
 

 أنا ما مجنون

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
maxcode
Admin


عدد المساهمات : 41
تاريخ التسجيل : 07/12/2011

مُساهمةموضوع: أنا ما مجنون   الجمعة ديسمبر 16, 2011 4:59 pm

أنا ما مجنون







كيف ترمي وردات ريدي ليك
وأنا من زمان ليك ياملاك كت داخرها

بسقيها من دم القليب
ومن العيون في عيوني كنت بضايرها

كيف هسي بس هانت عليك!
وأهديك شنو؟ مادام غشاك الإفترا

لازم وأكيد عين صابتك
في ريدتي ليك ومحبتك
يلاك قلوبنا نبخرها

النــــــــــــــــــــص ...

وأنا مشتهيك
مشتاقها نظراتك جنون
لي بسمه الضو في وشيك

لي دهشه الإحساس معاك
ساعه عيوني بتحتويك

لي فرحه الواطه
ووقت تتقدلي وبراااحه
تسرعي في مشيك

لي كل حاجه بتتفهم في حضرتك
كل الأحاسيس البتشرح روحها
مابتتقال وقت تظهر بعيد
عينيك هديييييك

لي كل بيت منك يطل والقافيه سهوا"
ودون قصد تشرح براءه ريدي ليك

لي طلتك في القعده لما نكون بعااااد
فارقانا طاوله وكم شبر
وأفضل أجابد فيني
ياخ أنا داير أجيك

وأشرب من الكاس الحداك
عز الهجير القاهو ضاربني الصقت
منك مسرب فيني_راجع شوق
يغازل مقلتيك

وأنا كان مزاج الريد مفرهد فيني
ليك بشددني

وكان نفسي نتوهط عناقريب الجنون
نقعد نغازل في بعض
ومن الشتات عينيك تاني تلمنني

كان نفسي بس أهديك ورود
تشبه صفاك_بس يوم تشوفك تنحني

وأنا ياغدير الدهشه راجيك دون صبر
ساعه تصب غيمه هواك وتبلني

وساعه رشاشك_يوم يطل عصريه
من الشفقه بكريك ماكمل
ألقاني بشرب فيك تني

وحالف باليمين أبراك محل ماتفوتي
يابت الأصول إنبحا بعدك صوتي
عجلي بالوصول قبال يعيقني سكوتي
يبرد بيك حشاي تتسامي بيك بيوتي

ويازينه البنات الريدها تب كملني
شال مني العوج بي توب رضاك جملني
شرياني إتشرط شتت دماي هملني
قال يافيه براك_يا٠ربي ساي يشملني

يابت الحلال شارقاني فيك الريده
واسيهو القليب ماتفري هوي آ الصيده
بلقاك تاني مهما تكون خطاكي بعيده
بس خايف جريك دقات قليبك يزيدا

وأنا كت محتار
أبداك أنا كيف والريد ممكون

ساقيني هواك طافيها عيون
شاقيك نصين_نص فيك جواي
والتاني حداي_يااخ ريد مجنون

متمحن فيك
كيف ساعه أشوف عينيك بصبر
وأنا فيك مغبوووون

أبقيلي غدير_أرميني البير
عطشان الشوق الفيك معطون

ختيني حداك_ماببقي ببراك
وإن خفتي أروح_ببنيلك لي
جواك سجون
أنا بيك مفتون

****
(وأنا ما مجنون وأنا ماني أسير
بس كان لاقيتها في أول يوم
والإلفه البيننا مداها كبيير

وهظار في هظار أديتها ورود
ودون ماتقصد رمت الوردات
وهظار في هظار عاتبت كتير

كيف بس ترميها ورود الشوق
ودا كان المدخل_ووريتها
حا أتمو أكيد _لو مهما يطير

وأنا هسي وفيت للغاليه غدير)


عمار الزين _١٥/٦/٢٠١١

الرجوع الى أعلى الصفحة اذهب الى الأسفل
 
أنا ما مجنون
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة منتديات ريحة البن :: المنتديات العامه :: شعراء ريحة البن :: أشعار عمار الزين-
انتقل الى: