maxcode Admin
عدد المساهمات : 41 تاريخ التسجيل : 07/12/2011
| موضوع: شهقتك .... زفرتي الجمعة ديسمبر 16, 2011 3:44 pm | |
| شهقتك .. زفرتي !
شهقتك زفرتي .. زفرتك شهقتا
ويوم الدخلتي .. أكت دوب مرقتا
رجعتا وغرقتا
غرقتك قصايد
وخطيت حروفك على كل عايد
بعد جات قوافلك
على البال طرقتا
معلق رجيتك
على كل حته
فيا سمبلايه
قدومك سعدني
رعدتا و برقتا
وصبيت معاني الغرام المغتا
قدومك فرحني
بعد كنتا محني
وروح البلايا ارتضت روحي جته
فيا شامخة البهجه يا سندسيه
هطلتي ارتياح بعد ما كان حرقتا
وشموسك تناغمني لامن شرقتا
و بى الكيف شرقتا
مقريف قصاد بن سلامك أكنتا
قليتي ابتسامه
وياما انقليت من قلي الدنيا ياما
شرفتا احتشادك
قعدتا و عرقتا
سكرر بى عيونك
و كاس من سنونك
بقيت زي علي كل دروب الله عمتا
أظني انسطلتا
وماني انسطلتا
بس اتوارى لي زي أظن حبه طلتا
و هادي المدينه
كأن ما المدينه
بتضحك معاها انكتمتا و ضحكتا
أحاسيس غريبه
وكت تملا ماعون غناك الحبيبه
و كت شارعا الشالا يرجع يجيبا
وتقول المآسي التكورك سكتا
بريدك و لا من خيالك مدسه
بريدك قدر طلا بى بسمه عز موتنا
عيدك
ولساهو ريدك طفل يحبو لسه
قبل ما أشوفك أكت راجي حينك
وطالت قبل ما تبتق سنينك
وحلق انتظارك ملاوياهو غصه
حبابك ندا الروح وكت حان وصولك
حبابك أيا روح على أحلى قصه
ديارك .. خلايا الحنايا و مطارحك
حبابك تناديكي قبال و هسه
فيا زوله زي فله قاهره الصحاري
ولا كنتا حاري
وكانت ملامحك بترسم مساري
واسمك علي كم كتير فوقي عسا
بريدك ولو كان حنينك عبرني
بريدك ولو كان حنانك تقسى
هتان حمد النيل
| |
|
التليب عضو جديد
عدد المساهمات : 2 تاريخ التسجيل : 05/01/2012 العمر : 45 الموقع : بورتسودان
| موضوع: رد: شهقتك .... زفرتي الخميس يناير 05, 2012 11:21 am | |
| الله يحفظكم ويرعاكم يا ناس هتان وصحابه الكرام المبدعين | |
|
وعد عضو جديد
عدد المساهمات : 3 تاريخ التسجيل : 29/04/2012
| موضوع: رد: شهقتك .... زفرتي الجمعة يونيو 01, 2012 10:23 am | |
| | |
|
Shima.Mukhtar عضو جديد
عدد المساهمات : 7 تاريخ التسجيل : 01/12/2012 الموقع : khartoum_sudan
| موضوع: رد: شهقتك .... زفرتي الإثنين ديسمبر 03, 2012 11:09 am | |
| ربنا يحفظك [/color] | |
|