شبكة منتديات ريحة البن
يا ضل مفروش
جوات الحوش
مقشوش ونضيف
من قول الزيف
مرشوش بى مويه ريد وحنان
والبن في النار
وتهب ريحتك
وانا راسي يدوش
متقريف ليك
والمطره بدت في ذاك الحوش
المامعروش

شبكة منتديات ريحة البن

منتديات ريحة البن هي البذرة الأولى للجيل الجديد والثمرة الناضجة لتطور المنتديات من خلال الطريقة التي يعرض ويناقش فيها الشعر بكل انواعه ويقدم بها كيفما يحب الجمهور من القراء والنقاد، متضمنا التشويق والإثارة والموضوعية واللطافة في طريقة العرض والمناقشه.
 
الرئيسيةس .و .جبحـثالمجموعاتالتسجيلدخول
بحـث
 
 

نتائج البحث
 
Rechercher بحث متقدم
سحابة الكلمات الدلالية
انساها الزير الله أحمد نقاط
المواضيع الأخيرة
» صيانة زانوسي بالقاهرة | ملابس ناصعه البياض مع اشعة الشمس
الأحد أكتوبر 08, 2017 10:30 am من طرف TigerAd

» خدمة صيانة زانوسي
الأحد سبتمبر 10, 2017 11:35 am من طرف TigerAd

» إشارات العارفين
الإثنين أغسطس 28, 2017 1:02 pm من طرف أسكن عيونى

» حل مسائل المعادلات والمتباينات من كتاب سلاح التلميذ
الخميس مارس 09, 2017 2:27 am من طرف أسكن عيونى

» اوعى تسافر
الثلاثاء ديسمبر 20, 2016 4:27 pm من طرف الشاعر محمد سيجو

» منو اليصدق
الأحد نوفمبر 27, 2016 9:21 am من طرف الشاعر محمد سيجو

» حالك سجم يا سودان
الأحد نوفمبر 20, 2016 1:48 pm من طرف الشاعر محمد سيجو

» الخوة الصادقه
الأحد نوفمبر 20, 2016 1:09 pm من طرف الشاعر محمد سيجو

» صيانة ايديال زانوسي بالبحيرة 01211113081
الأحد نوفمبر 20, 2016 11:52 am من طرف ايمان زانوسي

ديسمبر 2018
الأحدالإثنينالثلاثاءالأربعاءالخميسالجمعةالسبت
      1
2345678
9101112131415
16171819202122
23242526272829
3031     
اليوميةاليومية
التبادل الاعلاني

انشاء منتدى مجاني




شاطر | 
 

 صيوان عزاي مدقوق علي بيت العرس

اذهب الى الأسفل 
كاتب الموضوعرسالة
المدير العام
Admin
avatar

عدد المساهمات : 40
تاريخ التسجيل : 29/09/2011
العمر : 38

مُساهمةموضوع: صيوان عزاي مدقوق علي بيت العرس   الخميس أكتوبر 20, 2011 6:33 am

صيوان عزاي مدقوق علي بيت العرس
إستغفر الله العظيم من البكا و من النخيج

إستغفر الله العظيم من السكاليب و الضجيج

قشيت دموعي من الحروف..

بقّت مسامي الحُرة نار

يا الله لو قتلوا القصيدة على الحلوق

مين في الخلوق غيري البيجيب لي دم قصيدتي الميتة تار

و الله شينة و تب علي

وسّخ هدومي البيضا عار

قاعد بلملم في البشيلو الفاتحة و الشاي و الشمس مكشوحة في نص النهار

ناسي القصيدة و دمها

ناسي الحبيبة الما نست.. همي البتجعلو همها

ناسي القريبة الما قست.. دائما حروفي تضمها

ناسي القصيدة و من زمان

ياني الأبوها و أمها

و نسيتا و الليلة الفراش .. كيف إني بكرة ألمها؟؟

أنا عندي تار

أنا لسه قاعد في البكا؟؟

شايف حزن ناس الفريق زي الكضب

حزنم عليك قرقر بعد أكل الغدا و حكى قصتين

لاك السياسة و إنتكى


حزنم كضب

لا فيهم البيعرف صبابة ولا غرام .. لا فيهم الساهر معاك و ما تعب

لا فيهم العشق التراب لا فيهم الزول البيحب

ما بعرفوك

ما حسوا كيف تمرق قصيدة من العدم.. تمرق من الأضلع نسيج.. تمرق من الأفكار فهم

ما حسوا كيف تمرق قصيدة من العدم.. تمرق حنان إنسان..و حس فنان وصوت نمة و نغم

تمرق جنين يصرخ من الشقى و الألم

ما فيهم أصلا زول عرف طعم القصيدة و حرقتا

ما فيهم أصلا زول عرف لون القصيدة و رقتا

ما عرفو إنو البسمة و النسمة التساسق في الجروف

في الدنيا أصلا حقتا

ما عرفوا إنو قصيدتي حافظا الحلة

و الشفع بنات الفزعة

و اللالوبة و المهيوبة

و المعدولة و المقلوبة

و المليانة و المشروبة

و المكروهة و المحبوبة

و الطاحونة و القطية

و السلوكة و الطورية

و الدلوكة و الصبحية

و الكنداكة و الصقرية

و الطمباري و الجراري

و الحدادي و المدادي

و المنكورة و المشكورة

و الطبشيرة و السبورة

ما عرفوا القصيدة الصورة


..............................​.....


أستغفر الله العظيم

أنا يا قصيدة غلبني تب

يا ربي أبكيك و أنتهي

و أنسى الشدائد و سِكتا

و أرجع و أقول

عارف لو الوضع إنقلب

أصلا محال تنساني هي

صوتا بيطول ما كان في راجلا سَكتا

بتكون معاي لو معاي

و بكون حضورا و سرحتا

بتكون حكاياتي و غناي

و بكون عيونا و نظرتا

بتكون زهور عمري و صباي

و بكون عبيرا و نشوتا

بتكون مع الأيام خطاي

و بكون معاها على الطريق

إيقاع مشيها و خطوتا..


يا حليلا قتلوها الكلاب.. قبال تكمل ضحكتا

أنا عندي تار

يا خوفي أرجع مني فوت

أنا ياتو يوم خليت قصائدي وراي تموت؟

أنا عندي تار

بمرق براي

لكن بسد عين الشمس

لازم أرجع كبريائي و دمي حار

و أمنع حروفي من الحبس

بمرق براي

ما عاوز يكون آخر جزاي

صيوان عزاي مدقوق علي بيت العرس
الرجوع الى أعلى الصفحة اذهب الى الأسفل
http://reihtalbun.sudanforums.net
الوحيدة
عضو جديد
عضو جديد


عدد المساهمات : 2
تاريخ التسجيل : 31/12/2011
العمر : 30

مُساهمةموضوع: رد: صيوان عزاي مدقوق علي بيت العرس   السبت ديسمبر 31, 2011 6:04 pm

بالجد القصيدة دي هزتني والله يديك العافية علي كلماتك الرائعة
Very Happy
الرجوع الى أعلى الصفحة اذهب الى الأسفل
ينابيع الامل
عضو جديد
عضو جديد


عدد المساهمات : 6
تاريخ التسجيل : 26/05/2013
العمر : 22

مُساهمةموضوع: رد: صيوان عزاي مدقوق علي بيت العرس   الإثنين مايو 27, 2013 7:06 am

Sad بكيتنا واالله
جد رائعة
الرجوع الى أعلى الصفحة اذهب الى الأسفل
مجنون الكلمه
عضو جديد
عضو جديد


عدد المساهمات : 1
تاريخ التسجيل : 11/08/2014

مُساهمةموضوع: رد: صيوان عزاي مدقوق علي بيت العرس   الإثنين أغسطس 11, 2014 7:04 am

اكتر حاجه عجبتني العنوان وجمالو
الرجوع الى أعلى الصفحة اذهب الى الأسفل
 
صيوان عزاي مدقوق علي بيت العرس
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة منتديات ريحة البن :: المنتديات العامه :: شعراء ريحة البن :: أشعار محمود الجيلي-
انتقل الى: