عم فلنتاين

ياعم فلنتاين
محمد المهندس


يا عم فلنتاين . . . تعال
ده منو اللي قال الحب
شعارات وانفعالات
واحتفال في يوم محدد
الحب تفاصيل اسمي واكبر
من هدايا ومن قلب احمر مورد
الحب شعور واحساس جميل مشرور ممدد
في بيوتنا وفي سلامنا البِلتِق النضم المقدد
الحب وكت تقعد تطايب في المجهجه والمشرد
الحب وكت تلقي البخاصمك
والبسالمك بي سماح قولك بيشهد
الحب حبيب وحبييه كاتبين في سناريو حياتنا
احلي حوار ومشهد
هل بتقدر بابتسامة تزيل حزن زولاً عزيز بي
الشوفة فرهد
هل بتقدر ترسم الفرح الملون
في شوارع ضلمت احساسا سوّد
وهل بتعرف كيف تقالد القمرة في الليل الطويل والهم موسد
يا عم فلنتاين تعال
وخُش نعلمك المحبة في مدرسة استاذ محمد