الي أمي و أبي

يا دنيا وين بتودي
واقدارنا وين سايقانا
ماشفنا العجايب وقلوبنا رهفت بدري
خلينا ننجمه
نفرح شويه برانا
ننادي ناس يمه
بالحجه قدامنا
وابوي دا الصالح
الرافع اعلامنا
نهديلو كل نفيس
ياغالي يا امامنا
دا الضحا بي عمرو
شان لقمه لايدي
ماسك زمام امرو
ساقيني في وريدي
كل الصفات السمحه
كل المكارم ديك
زايد هو في ريدي
كم يوم ببيت سهران
شان نحن نبقي نيام
ما كل يوم او ضاق
افكارو لينا سلام
ياغالي يا ابويا
ارضيك كيف قدام
ما بقدر اجزيكا
كان بعت روحي تمام
ما انت سيد الكل
تسلم ابوي الصاح
شوفتك تبل الجوف
شوفتك تزيل الخوف
شوفتك تخليني
ارجاك كل صباح
او ارجي دعواتك
تبراني اكون مرتاح
ياغالي يا ابويا
تسلم ابوي الصاح
ارجع اقول امي
احرف تلاته فقط
لكين في مضمونا
يا اخواننا تملا ورق
كان جمبنا بحر الكون
شان يبقي هو مدادنا
مابكفي لي كلاما
لامي تحنانا
ياغاليه ياغاليه
يا امي يا انتي
نسيمك الهابي
في الصيف يهببنا
ندفا بي قربو
لو مرً قُر فينا
لينا الحمايه كمان
من مطره تروينا
يا امي ياشمعه
ضوايا من بدري
ساقيانا من دمك
انبل مشاعر ريد
خاتانا في قربك
وشك صباح العيد
يابسمه نديانه
ياغنوة نشوة ريد
داير اكون جمبك
وما اودعك لحظه
ارجع اقول تاني
دي الدنيا واقدارها
بسأل اله الكون
بالرحمه عامينا
ياربي يارحمان
خليك هادينا
من كل شرا كان
ما يبقي بارينا
بس عندي ليك طلب
تحفظ لوالدينا
انا عندي ليك طلب
تحفظلي والدينا