صدفه وما احلاها

بان القمر الاسر عيني
وعين الدهر معاهو
وعشعش جو القلب
وقال القلب اكيد بهواه
وبعشق لونو الاسمر وصافي
وقوس الجفن الليا مرافي
وبي رؤياه نسيت عرافي
وقلت افتش لي مأواه
وازيد في وصفو اقول بهواه
وشوف الشعر النازل
نسمة ليل بداعب ساهر
حامل من اطنان الدنيا
شعر وشعور واحساس
ولمعة ماس
وصوت اجراس
ورقة ساس
وطيبة ناس
جمالم نور قمر في رباه
ووشوقي الزايد لي رؤياه
وبزيدني الم ما احلاه
ووارجع اوصف في محياه
جمال الحاجب زاد جمال العين
وستر الرب من عين الحاسد
ماتغشاهو
وتحفظ عينو القدت عين الدهر سهاما
وضل الحاجب فوقا غمامه
وفي الخدين موجوده علامه
دي الوجنات الزادت وجدي
وخلت قلبي يزيد في غراما
متين ياربي اقيف قداما
واقول بهواك
يانجم سماك
عالي علاك
وجها بدرا كامل في دورين
وغامتك زاتا محاسن لما تبين
زي خلخال ملبوس في يمين
لونو الماسي
زاد احساسي
واصبح ماسي
محلق في عينيه
ووشط عينيه
وجمال عينيه
وهو القمر الاسر عيني وعين الدهر معاهو
بحب القاهو
يارب القاهو عشان بهواهو